مزن وزیر عمران خان صدر ڈونلڈ ٹرمپ ءِ دعوت ءِ سرا امریکا ءِ سئے روچیں تروتاب ءِ سرا واشنگٹن ءَ روان
اسلام آباد/دوحہ۔ 20جولائی (اے پی پی)مزن وزیر عمران خان امریکی صدر ڈونلڈ ٹرمپ ءِ دعوت ءِ سرا امریکا ءِ سئے روچیں سرکاری تروتاب ءِ سرا واشنگٹن ءَ رھادگ بوتگ ات۔مزن وزیر عمران خان ھپتگ ءَ امریکا ءَ روان ءَ قطر ءِ بُن شہر دوحہ ءَ سر بوتگ اودا بالی پٹ ءِ سرا قطر ایئر لائنز ءِ چیف ایگزیکٹو اکبر الباقر ءَ آئی ءَ گوں گند ءُُ نند کتگ۔اے ساعت ءَ وت مہ وتی کسبی معاملہانی سرا ھیال ریچی کنگ بوتگ،بیئپار ءِ صلاحکار عبدالرزاق داود،مزن وزیر ءِ ھاسیں کمکار برائے اوورسیز پاکستانیز زلفی بخاری ءُُ بری فوج ءِ سروک جنرل قمر جاوید باجوہ ھم مزن وزیر ءَ گوں ہمبراہ اتنت وھدیکہ دری کارانی وزیر شاہ محمود قریشی پیسرءَ چہ واشنگٹن ءَ ساڑی انت۔مزن وزیر عمران خان ءِ مزن وزیری ءِ اگدھ سمبھالگ ءِ پدا اے امریکا ءِ اولی تروتاب انت۔
