اسلام آباد۔ 20جولائی (اے پی پی) سپیکر قومی اسمبلی اسد قیصر ءَ گوشت کہ ماربل ءِ صنعت ملک ءِ ھاترا باز الم انت،صنعت ءَ دیم جیڈھ ءَ را ترجیحی بنیاتاں حل کنگ بیت۔اَستیں حکومت صنعت ءَ را دیم جیڈھانی حل ءِ ھاترا ترجیحی بنیاتاں گاماں چست کنگ انت،معاشی بحران ءِ سرا گرودار ءِ ھاترا صنعتانی دیمروئی وھد ءِ ھاسیں ضلورت انت۔اے ھیالانی درشان آہاں ھپتگ ءَ ماربل انڈسٹری ءِ ڈلے گوما گند ءُُ نند کنان ءَ کتگ ات۔آہاں گوشت کہ صنعتانی دیمروی استیں حکومت ءِ اولی دلگوشی انت،ملکی معیشت ءَ را سہارا دیگ ءِ ھاترا ہروھد صنعتانی ھاسیں کرد بوتگ۔سپیکر ءَ گوشت کہ صنعتی شوبگ ءَ گوں سیادی داروکیں ہزاراں مردمانی روزگار محفوظ جوڈ کنگ ءِ ھاترا صنعتانی جیڈھاں چار ءُُ بچار کنگ ءِ ضلورت انت، ماربل انڈسٹری ملک ءِ ھاسیں ضلورت انت ایشی ءِ جیڈھاں ءَ را حل کنگ ءِ ھاترا گام چست کنگ بنت۔اسد قیصر ءَ گوشت کہ صنعت ءَ دیم جیڈھاں را ترجیحی بنیاتاں حل کنگ بیت۔معاشی بحران چہ درکپگ ءِ ھاترا صنعتانی دیمروئی وھد ءِ ھاسیں ضلورت انت۔
