اسلام آباد۔ 19 جولائی (اے پی پی) مزن وزیر عمران خان ءَ گوشت کہ حکومتی ادارگ آنی تہ ءَ سزا ءُُ جزا ءِ روایت ءَ را مھکم کنگ حکومتی اولی کار آنی بھر ات، وزارت ءِ اھوالکاری ءَ جتا جتائیں شوبگ آناں گیش مھکم کنگ بہ بیت، وزارت ءِ اھوالکاری میڈیا ءِ کمک ءَ چہ الس ءَ را راستیں اھوال ءُُ دروگیں بٹاک آناں سہرا کنگ ءَ وتی جوانیں کرد ءَ پیلو بکنت۔ آئی ءَ اے گپ ھاسیں کمکار اھوالکاری ءُُ شنگ کاری ڈاکٹر فردوس عاشق اعوان ءَ گوں تران کنان ءَ کت آئی ءَ آدینگ ءِ روچ ءَ آئی ءَ گوں گند ءُُ نند کت۔ گند ءُُ نند ءَ سیکرٹری اھوالکاری ءُُ شنگ کاری زاہدہ پروین، پرنسپل انفارمیشن آفیسر طاہر خوشنود ءُُ وزارت اھوالکاری ءُُ شنگ کاری ءِ ایندگر کلانہ ایں اپسرگ شریک اتنت۔ مزن وزیر ءَ پنت ءُُ شون کت کہ وزارت ءِ اھوالکاری ءَ میڈیا ءِ کمک ءَ چہ الس ءَ را تچکیں ءُُ راستیں ھال پجاری ءُُ دروگ آناں سہرا کنگ ءَ وتی جوانیں کرد ءَ پیلو بکنت۔ مزن وزیر ءَ گوشت کہ حکومتی ادارگ آنی تہ ءَ جزا ءُُ سزا ءِ روایت ءَ را مھکم کنگ حکومت اول سرئی کار آنی بھر اِت۔ آئی ءَ پنت ءُُ شون کت وزارت ءِ اھوالکاری ءِ جتا جتائیں شوبگ آناں گیش جوان کنگ بہ بیت تانکہ الس آناں تچکیں اھوال ءِ پجاری ءُُ حکومتی ریفارمز آنی تہ ءَ گہتری آرگ بہ بیت۔
