اسلام آباد۔18جولائی (اے پی پی) گوادرءَ بازیں دیمروئی منصوبہ آنی سرءَ کار بوہگءَ اِنت، ایشانی تہءَ گوادر ایسٹ بے ایکسپریس وے، گوادر میاں اوستمانی بالی پڑ، گوادر فری زون، ورگی ساپیں آپءِ منصوبہ، پا ک چین دوستی نادراہ جاہ، ووکیشنل انسٹیٹیوٹ، گوادر سمارٹ سٹی وڑیں منصوبہ ہوار اَنت۔ سی پیک اتھارٹی ءِ حکامءَ گشتگ کہ چین پاکستان اقتصادی راہداری منصوبہ ءَ چہ بلوچستان ءِ معیشت ءَ گہتری کیئت۔ سی پیک ءِ تہء بلوچستان ءَ را بنکی ارزشت است، بلوچستان ءَ سی پیک ءِ ردءَ بازیں منصوبہ آنی سرءَ کار بوہگءَ اِنت۔ حکامءِ گشگءِ ردءَ سی پیک ءِ ردءَ بلوچستان ءَ اقتصادی زونز جوڑ کنگ بوہگءَ اِنت کہ ایشاں چہ اقتصادی پڑ گہتربیت ء ُ ہندی صنعت آں دیمروئی رسیت۔ سی پیک منصوبہ ءَ چہ بلوچستان ءِ جاورحال مٹ بنت ء ُ وشھالی ءِ نوکیں دورے بندات بیت۔
