اسلام آباد ۔ 18 جولائی (اے پی پی) بنجاھی وزیر برائے وردن ءُُ وراک صاحبزادہ محبوب سلطان ءَ گوں یونیڈو ءِ پاکستان ءَ نماھندگ آں گوں گند ءُُ نند کت ۔ یونیڈو اقوام متحدہ ءِ ادارگ ات ایش ممبر ملک آنی تہ ءَ صنعتی ءُُ ایشی ءَ گوں بندوکیں شوبگ آنی دیمروئی ءِ واستہ تکنیکی ءُُ مالی کمک پجارینگ ءَ انت ۔ وزارت وردن ءُُ وراک ءِ رکھینگ ءِ شریکداری ءَ چہ یونیڈو ءَ ’’ایگرو فوڈ اینڈ ایگرو انڈسٹری ڈویلپمنٹ ‘‘ ءِ منصوبگ ءِ سر ءَ کار بندات کتگ ۔ اے منصوبگ ءِ مول ءُُ مراد کے پی کے ءُُ بلوچستان ءَ لائیو سٹاک ءُُ سروپ آنی پیداور ءَ را گیش ودینگ ءُُ اے کزب ءَ گوں سیادی داروکیں مردم آناں ھیل کاری دیگ انت ۔ حکومت جاپان ءَ اے منصوبگ ءِ بندات ءُُ سرجمی ءِ واستہ 50لکھ ڈاکر ءِ منظوری داتگ ۔ اے منصوبگ ءِ بنگیج اگست ءِ اولی ھپتگ ءَ بنجاھی وزیر محبوب سلطان کنت ۔ پاکستان ایگریکلچر ریسرچ کونسل ھم اے منصوبگ ءِ شریکدار انت ، ایش ھیل کاری کورس ھڈ کنگ ءَ کمک پجارین ایت ۔
