اسلام آباد ۔ 18 جولائی (اے پی پی) بنجاھی وزیر منصوبگ بندی، دیمروئی کار مخدوم خسرو بختیار ءَ گوشت کہ اسیں حکومت ریل گاڑی ءِ انفراسٹرکچر ءِ برجائی، اپ گریڈیشن ءُُ مردم آناں جوانیں سفری آسراتی ءِ پجاری ءِ واستہ جزمیگ انت، ایم ایل ون منصوبگ ءِ سر ءَ کار گوں ترندی ءَ کنگ بیت ایشی ءَ چہ ریل گاڑی ءِ گام ءُُ کد ءُُ بالاد ءِ تہ ءَ گہتری کئیت ۔ اے گپ آئی ءَ بنجاھی وزیر ریل گاڑی شیخ رشید احمد ءَ گوں پنچ شمبے ءِ روچ ءَ گند ءُُ نند ءِ ساھت ءَ کت اَنت ۔ گند ءُُ نند ءَ سیکرٹری پلاننگ ظفر حسن، سیکرٹری ریل گاڑی ءُُ دوئیں وزارت آنی ٹوھیں ٹوھیں کارندہ شریک اتنت ۔ بنجاھی وزیر منصوبگ بندی ءَ گوشت کہ ایم ایل ون سکیں ارزشتی ایں منصوبگ ات ءُُ اے منصوبگ سی ڈی ڑبلیو پی ءَ بازیں شرط آنی گوما منظور کتگ بوتگ ۔ گند ءُُ نند ءَ منصوبگ ءِ آیوکیں وھد ءِ گامگیج آنی سر ءَ ھیال ریچی کنگ بوت ۔
