لاہور ۔ 18 جولائی (اے پی پی) مزن وزیر عمران خان ءَ سر وزیر پنجاپ سردار عثمان بزدار ءَ را پنت ءُُ شون کت کہ صوبگ ءِ الس آناں ریلیف پجارینگ، گران بھائی ءَ را گر ءُُ دار ءُُ سامان آنی مبار آں چیر دیوک آنی ھلاپ ءَ کاروائی ءِ واستہ زوت گامگیج کنگ لوٹ ایت ۔ آئی ءَ اے پنت ءُُ شون پنچ شمبے ءِ روچ ءَ داتگیں بریفنگ ءِ ساھت ءَ دات ۔ مزن وزیر ءِ مشیر سر وزیر پنجاپ ڈاکٹر سلمان شاہ ءَ صوبگ پنجاپ ءَ چاگردی ءُُ معاشی دیمروئی، کشت ءُُ کشار ءُُ کارخانہ آنی دیمروئی ءِ بابت ءَ حکومت ءِ نیمگ ءَ جتگیں گامگیج ءُُ آیوکیں باندات ءِ ھوالگ ءَ بریفنگ دات ۔ سر وزیر پنجاپ سردار عثمان بزدار ھم بریفنگ ءَ ساڑی ات ۔
