اسلام آباد۔ 17 جولائی (اے پی پی) قومی احتساب بیورو (نیب) راولپنڈی عسکری گروپ انویسٹمنٹ پرائیویٹ لمیٹڈ نا چیف ایگزیکٹو آفیسر نہال خان و ڈائریکٹر شمشاد علی بلیدی نا برخلاف بدعنوانی نا ریفرنس اس دائر کرینے۔ نیب انا انویسٹی گیشن آفیسر ڈپٹی ڈائریکٹر عبدالمجید احتساب عدالت راولپنڈی 4 انا جج چوہدری انور نا عدالت اٹی ہندا دوبہ دارآتا برخلاف بدعنوانی ریفرنس اس دا ئر کرینے۔ دوبہ دار آک غیر کانودی وڑاٹ کار و اُراتا پن آ زرکاری نا کمک اٹ بھلو کچ اسے آ خلقت تون دروہ اٹ لکھ آ روپئی تے نغڑدار۔ دوبہ دارآک 127 زہمی تیان 26.81ملین روپئی ہلسا نغڑدار۔ نیب راولپنڈی دوبہ دار شمشاد علی بلیدی ءِ کراچی آن دزگیر کرے ہرا 48 دے نیب اتون جسمانی ریمانڈ آ ئس وخت اس کہ ایلو دوبہ دار نہال خان پیشن نا ملک آ نرانے۔ نیب راولپنڈی پلوک آ پیسہ غاتے دوئی کننگ کن گڑاس ماڑی و گاڈی تے ہم کوزہ ٹی ہلکونے۔ نیب راولپنڈی اسہ پین کیس اسے ٹی ٹرسٹ انویسٹمنٹ بینک اٹی اختیار آتا ناروا کاریم اٹ اتسا غیر کانودی زرکاری کننگ آ طارق قاضی مسکوہی چیف ایگزیکٹو آفیسر این ٹی ڈی سی، رسول خان محسود مسکوہی چیف ایگزیکٹو آفیسر این ٹی ڈی سی و ایلوفتا برخلاف بدعنوانی نا ریفرنس دا ئر کرینے۔ بینک این ٹی ڈی سی ءِ پیسہ غاتے پدی تننگ اٹ بے سہب مس۔ ہراڑان قومی خزانہ ءِ بھلو نسخان اس رسینگا۔
