منڈی بہاؤالدین نا کارنر میٹنگ و ورکرز کنونشن آتا بے سہبی آن پد بیگم صفدر اعوان جی ٹی روڈ ٹریفک نا سیبو ءِ ہلنگ خواہک
اسلام آباد۔ 17 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارے کہ منڈی بہاؤالدین نا کارنر میٹنگ و ورکرز کنونشن آتا بے سہبی آن پد بیگم صفدر اعوان جی ٹی روڈ ٹریفک نا سیبو ءِ ہلنگ خواہک، باہ ٹی خیسن نا چمچ ءِ ہلسا ودی مروک آجہد آخا بیرہ جعل سازی کننگ کیک۔ ڈاکٹر فردوس عاشق اعوان چارشنبے نادے آ تینا ٹویٹ اٹی پارے کہ عمران خان پاکستانی تا است انا توار ءِ، اونا السی پنی مننگ آن کست وکسور کروک آتا برانز السی رنگ آن محروم ءِ، داسہ پٹواری ماتحت ءِ نئے تھانیدار، اوفتے الس نا آخا بیرہ تینا اقتدار آن محرومی نا دڑد ءِ، تینے کانود آن ایڑتر سرپند کروک آک پوسکن آ پاکستان اٹی اولیکو وار کانود نا اسہ وڑ مننگ آن بیوس مسنو۔ اوپارے کہ اوفتے دا تکلیف مننگ ءِ کہ کانود اوفتیان ایڑتر ہمہ مس۔ اوپارے کہ الس لٹ وپل کروک آتے مسترد کرسا وطن نا امانت ءِ ہمو سرکڑدہ نا دوٹی تس ہراپاکستان ءِ شونہالی و روشنا آخبت نا کسر آ روان کیک۔
