اسلام آباد۔ 17 جولائی (اے پی پی) وزیر مملکت ہاؤسنگ اینڈ ورکس محمد شبیر علی قریشی پارینے کہ حکومت پوسکن آ پاکستان پروگرام نا رداٹ اُراتا کمتی نا متکن آ ویل ءِ وعدہ نا رداٹ ایسر کننگ والا ءِ، مچ آ ملک اٹی پوسکن آ پاکستان ہاؤسنگ اسکیم نارداٹ رجسٹریشن نا بنامسنے۔ وزیراعظم عمران خان نا کماشی ٹی ملک شونداری نا سفر نا بناءِ کرینے۔ چارشنبے نادے آ ”اے پی پی“ تون گپ و تران کرسا، شبیرعلی قریشی پارے کہ پوسکن آ پاکستان پروگرام نا رداٹ تحریک انصاف نا حکومت تینا کروک آ وعدہ غاتے پورو کننگ ءِ۔ وزیر مملکت محمد شبیر علی قریشی پارے کہ حکومت ہر بندغ نا معاملہ غاتے ایسر کننگ اٹ خصوصی است خواہی ہلنگ ءِ۔ اوپارے کہ وزیراعظم عمران خان کون ءُ لیڈر ہی پاکستان ءِ مشکل حالیت آتیان کشنگ نا لائخی تخک۔
