اسلام آباد ۔ 16جولائی (اے پی پی) ڈپٹی چیئرمین سینیٹ سلیم مانڈوی والا وادی نیلم و اونا ایب وکیب اٹی جلاب نا سوب آن مروک آ جانی و مالی نسخان آ است ہسونی نا درشانی ءِ کرینے ۔ اوحکومتی ادارہ و خاص وڑاٹ این ڈی ایم اے آ زور شاغانے کہ او جلاب زدہ علاقہ غاتے ٹی امدادی کاروائی تے ترند کرسا خلقت نا جان و مال انا رکھ و اوفتے ہموکان حفاظت اٹ کشنگ ءِ المی کے و داڑتون اوار زہمی تے غٹ آسراتی تے باہم سرکننگے ۔ اوپارے کہ جلاب نا سوب مروک آ نسخان آ مچ آ قوم رنجیدہ ءِ و نن غمزدہ خاہوت تون مشکل نا دا ساہت اٹ سلوک اُن ۔ ڈپٹی چیئرمین سینیٹ ٹھپی تے طبی امداد نا دمدستی وڑاٹ فراوانی آ ہم زور شاغا وپارے کہ داتنکی آن پیش تمنگ کن ادارہ غاک اسہ ایلو نا کمکاری ءِ پین جوان کیر و ہچ ءُ سستی اس نشان تننگپ ۔
