اسلام آباد ۔ 16جولائی (اے پی پی) بنجائی وزیر امور کشمیر و گلگت بلتستان علی امین خان گنڈاپور آزاد کشمیر انتظامیہ ءِ وادی نیلم اٹی طوفانی پِر و نوکاپی ریلہ غاتے ٹی انسانی و مالی نسخان آن پد بحالی نا کاریم تے زوت پورو کننگ نا پارت کرینے ۔ اوچیف سیکرٹری آزاد کشمیر ءِ خصوصی پارت کرینے کہ بحالی نا کاریم تیٹی ہرحد اسکان ہِننگے و زہمی تا ہروڑامداد ءِ المی کننگے ۔ اوقدرتی آفت آن زہمی الس ءِ باوری کرفے کہ حکومت اوفتا ہروڑ امداد ءِ کیک و داڈول نا قدرتی آفت آ تیان نسخان تے کم آن کم کننگ کن ہروڑنا گام گیج کننگک ۔ بنجائی وزیر پارے کہ آزاد کشمیر و گلگت بلتستان نا علاقہ تینا قدرتی خدوخال نا سوب اکثر طوفانی پِر، نوکاپی ریلہ، لینڈ سلائیڈز و برفانی کرود کون آ قدرتی آفت آتازد اٹی ءِ ہرافتیان بچنگ و نسخان تے کم کننگ کن سجفوک ڈٹ بندی کننگ نا گرج ءِ ۔ اوپارے کہ قدرتی آفت آتے توننگ مفک ولے دا آفت آتے ٹی نسخان تے گچین ڈٹ بندی اٹ ضرور کم کننگ مریک ۔ علی امین گنڈاپور پارے کہ آزاد کشمیر و گلگت بلتستان نا الس نا آخبت سیل و سوات نا بشخ اتون گنڈوک ءِ ، داوڑاٹ داجاگہ نا الس نا جانی و مالی رکھ اتون سیل و سوات ءِ مون آ دننگ کن ہم دا علاقہ ءِ رکھوک کننگ المی ءِ ۔
