اسلام آباد ۔ 16جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ شاہد خاقان عباسی نا چیلنج قبول ءِ ، ’’دُزی نا’’کھرا‘‘ برطانیہ غا ہِننگ ءِ ، داسہ ایلو ملک آتیا ہم کاہک و انکشاف مننگ داسکان سلوک ءِ، اولیکو حکومت ءِ ہرا دُزآتے اُرا اسکان سرکننگ ءِ ، دُزی و سینہ زوری داسہ چلینگپک ۔ سے شنبے نادے آ تینا ٹویٹ اٹی وزیراعظم نا خصوصی کمکار ڈاکٹر فردوس عاشق اعوان پارے کہ پلوک آ مال ءِ پدی تروئی تمک، دا 22کروڑ الس نا مقدمہ ءِ ۔ اومسلم لیگ (ن) نا راہشون شاہد خاقان عباسی ءِ مخاطب کرسا پارے کہ شہباز شریف انت کہ پاریکہ او اووڑکتوکہ ۔ اودے زرداری ءِ سڑک آتیا گر کروئی ئس ولے خمب کرے تے ۔ ٹکا نا وڈی خوری پک مس تو سیاست ءِ النگ نا پڑو ءِ ہم کریسس، شش تُو اٹی بجلی نا لوڈشیڈنگ چٹپننگ آ پن ءِ تینا بدل کننگ نا وعدہ ءِ ہم گیرام کریسس ۔
