اسلام آباد ۔ 16 جولائی (اے پی پی) وزیر ءِ درئی کار شاہ محمود قریشی ءَ گوشت کہ پاک امریکہ یکوئی مئے درئی پالیشی آنی تہ ءَ جوانیں ارزشت ءِ بستار ءَ بوتگ، اے دو نیمگی یکوئی معیشت، تجاررت ، وانگ ءُُ زانگ ، سائنس ٹیکنالوجی ، سیکورٹی ءُُ دیمپانی کمک ءَ ھوار بازیں شوبگ آنی سر ءَ انت ۔ پاکستان ءُُ امریکہ ءِ نیمگ ءَ جوانیں دو نیمگی یکوئی سرج میں زرّباری ایشیا ءِ سیت ایگ انت، مئے حکومت ءِ آیگ ءَ چہ پد پاک امریکہ یکوئی آنی تہ ءَ گہتری اتکگ، پاکستان یکجائیں زمہ واتی ءِ چیر دستی ءَ نیک نیتی ءَ گوں امریکہ ءُُ طالبان آنی نیام ءَ سول ءُُ تران آنی تہ ءَ کمکار ءِ بستار ءَ آسراتی پجارینگ ءَ انت ۔ مالی سال 2018-19ءِ ساھت ءَ دوئیں ملک آنی نیام ءَ ھواریں رنگ ءَ تجارتی کساس 6;46;627ارب ڈاکر بوتگ ۔ سئے شمبے ءَ پاکستان انسٹیٹیوٹ فار پالیشی اسٹڈیز ءَ پاک امریکہ یکوئی آنی ھوالگ ءَ برجم داشتگیں مراگش ءَ گوں گشتانک دیان ءَ وزیر ءِ درئی کار ءَ گوشت کہ پاک امریکہ یکوئی مئے درئی پالیشی آنی تہ ءَ ھاسیں بستار ءِ دار ایت ۔ وزیر ءِ درئی کار ءَ گوشت کہ انوں زوتاں برسلز ءِ تر ءُُ تاب کت آھودا یورپی نونین ءَ پاکستان ءِ گوما نوکیں اسٹریٹجک کمک آنی سر ءَ منوگری کت ۔ ایشی ءِ مول ءُُ مراد سہرا انت کہ پاکستان ءَ را سفارتی تک ءَ ایوک کنگ ءِ کوشست ناکام بوتگ ۔ پاک امریکہ کمک آنی تہ ءَ رستگیں کامیاتی آناں 1980ءُُ 11;47;9 ءَ پد ناشرکاری ءِ ھلاپ ءَ جنگ ءَ رستیں کامیاتی آنی ھوالگ ءَ چارگ لوٹ ایت ۔ مئے حکومت ءِ آیگ ءَ چہ پد پاک امریکہ یکوئی آنی تہءَ گہتری اتکگ وھدکہ مائیک پومپءو ءِ پاکستان ءِ تر ءُُ تاب ءَ پد ایشی ءِ یکوئی آنی تہ ءَ گیش جھلانکی اتکگ، سیکرٹری پومپیو ءَ اوگان ایمنی ءِ کار ءِ ھوالگ ءَ دو نیمگی یکوئی آناں گہتر کنگ ءِ امریکہ ءِ واھشت آنی درشان کت ۔
