اسلام آباد ۔ 16 جولائی (اے پی پی) صدرمملکت ڈاکٹر عارف علوی ءَ گوشت کہ پاکستان ءُُ یورپی یونین ءِ نیام ءَ تجارت ءِ استیں کساس آئی ءِ راستیں ازم ءَ گوں ھمگونگ نہ انت، ایشرا گیش دیمروئی دیگ ءِ ضلورت انت، پاکستان ’’جی ایس پی پلس‘‘ سکیم ءَ را وتی معیشت ءِ گہتری ءُُ اقتصادی ایجنڈا آناں گیش دیمروئی دیگ ءِ واستہ جوڑیشتی لکا پھم ایت ۔ آئی ءَ اے گپ سئے شمبے ءِ روچ ءَ یورپی یونین ءِ دست کش بوھوکیں سفیر جین فرینکوئس کوتین ءَ گوں تران کنان ءَ کت آئی ءَ ایوان صدر ءَ آئی ءَ گوں گند ءُُ نند کت ۔ صدر مملکت ءَ دست کش بوھوکیں سفیر ءَ را پاکستان ءَ وتی جوانیں وھد ءُُ پاس ءِ کامیات کنگ ءِ پد ءَ مبارک بات دات پاکستان ءُُ یورپی یونین ءِ نیام ءَ کمنیوکیشن آنی دیمروئی ءِ واستہ آئی ءِ کوشست آناں ساڑات ۔
