اسلام آباد ۔ 15جولائی (اے پی پی) مزن وزیرءِ حاسیں کمک کار ڈاکٹر فردوس عاشق اعوان ءَ گشتگ کہ پہ زمین چنڈ ءِ آماچیں مردماں کمک ءِ 8کروڑ ءِ سرکاری چیک شہباز شریف ءِ زمات علی عمران ءِ وتی جندءِ اکاءونٹءَ جم بوتگ، لیگی مردم وتی دروگءَ را چیر دیءگءِ ھاترءَ دروگءِ سرءَ دروگ بندگءَ اَنت ۔ دوشمبے ءِ روچءَ وتی ٹویٹ ءَ آئیءَ گشتگ کہ اے جرم ءِ راستی ءَ را ایرا ءِ افسر اکرام نویدءَ نیب ءَ وتی بیان ءِ تہءَ پاشک کتگ ۔ آئیءَ گشتگ کہ شہباز،آئیءِ بچ ء ُ زمات اگاں راست اَنت گڑا ملک ءَ چہ پرچا تتکگ اَنت ۔ ڈاکٹر فردوس عاشق اعوانءَ گشتگ کہ دُزءِ مات شپ روچ پیگ پچ نہ کنت، لیگی باسک وتی دروگءَ را چیر دیءگءِ ھاترءَ دروگءِ پُشتءَ دروگ بندگءَ اَنت ۔
