کوءٹہ ۔ 15جولائی (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن ڈاکٹر خالد مقبول صدیقی دوشنبے نادے آ بیوٹمز یونیورسٹی کوءٹہ ٹی نیشنل انکیو بیشن سینٹر نا دورہ ءِ کرسا سینٹر اٹی ورناو ٹریننگ دوئی کرسا کاروبارنا پوسکن ءُ وارخواہی تا پٹوک بندغ آتون اوڑدہی کرے ۔ اگناءٹ نا سی ای او یوسف حسین، پرووائس چانسلر بیوٹمز یونیورسٹی کوءٹہ ڈاکٹر فیصل کاکڑ، ڈائریکٹر این آئی سی کوءٹہ محمد شاہ خان ، جاوید ظفر سروک این آئی سی پروگرام، فیصل شیر جان ڈائریکٹر این آئی سی لاہور و اگناءٹ نا منیجر کمیونیکیشن ندیم مدثر و وزارت آئی ٹی نا بڑزکو کمامدارآک ہم بنجائی وزیر تون اوار ئسر ۔ بنجائی وزیر انفارمیشن ٹیکنالوجی و ٹیلی کمیونیکیشن ڈاکٹر خالد مقبول صدیقی پارے کہ ٹیکنالوجی نا بشخ اٹی شونداری آن ورناتے کن ملازمت نا پوسکن ءُ وارخواہی ، تعلیمی لاءخی و کچ ءِ ودفنگ اٹ سرسہبی مریک، کوءٹہ ٹی جہانی آب انا انکیوبیشن سینٹر ءِ جوڑ کننگ آ اگناءٹ نا انتظامیہ مبارکباد نا حقدار ءِ و دارداٹ بیوٹمز یونیورسٹی کوءٹہ و لمز یونیورسٹی لاہور نا انتظامیہ نا نیام اٹ ورناتے کن تینا چاہندار و کسبی کمک فراوان کننگ کن اواری اٹ و تین پہ تینی کمک اٹ تعلیمی شونداری و روزگار نا پوسکن ءُ وارخواہی ملک و وزارت آئی ٹی و ٹیلی کمیونیکشن نجی سیکٹر نا کمک اٹ شاری تے زند انا گچین آسراتی فراوان کننگ کن پوسکن ءُ وارخواہی پٹنگ آ بھاز زیات چکار کروک ءِ ۔ بنجائی وزیر انفارمیشن ٹیکنالوجی و ٹیلی کمیونیکیشن ڈاکٹر خالد مقبول صدیقی پارے کہ ترندی اٹ بدلینگوک آ دنیا نا رفتار اتون مون آ ہِننگ کن ننا ورناچین ءِ سائنسی و پوسکن آ ٹیکنالوجی آ مبنی علم آ دسترس دوئی کروئی مریک پوسکن آ خواست آتون ہم گرنچ مفننگ نا سوب آن نن شونداری نا دور اٹی پدی سلیسن داسہ ٹیکنالوجی آ سیبو نا ودنگ آن الس ءِ ہردے ئی زند اٹی آسانی تون شونداری نا پوسکن ءُ وارخواہی و آسراتی ہم ملنگ ءِ، بنجائی وزیر ڈاکٹر خالد مقبول صدیقی پارے کہ ڈیجیٹل ٹیکنالوجی نا چاہنداریک ورناتا روزگار دوئی کننگ نا کاریم نا کچ و لاءخی تے ودفنگ کن بھاز المی ءُ و بنجائی حکومت مچ آ بلوچستان اٹی انفارمیشن ٹیکنالوجی ءِ مون آ دننگ کن عزم کرینے، اوپارے کہ روزگار و نوکری تا دوئی کننگ کن ورناتے حکومت آ سیبو نا جاگہ غا تینا لاءخی تیان پبی فائدہ ہرفسا ٹیکنالوجی نا پڑاٹ تینکن وارخواہی بایدے پٹوئی مرے انتئے کہ پرائیوٹائزیشن نا دور اٹی حکومت ہندن ءُ ادارہ جوڑ کننگ اٹ کمک فراوان کننگ ءِ تانکہ خلقت ءِ روزگار نا گچین وارخواہی ملنگ کے وخت اس کہ مائیکروسافٹ آن ہلیس گوگل اسکان کمپنیک ورناتے لکھ آ نوکری تسنو ہنداخاطران کنے اومیت ءِ کہ این آئی سی نا فلیٹ فارم آخبت خڑک اٹ گریجویٹس آتے روزگار نا فراوانی ٹی بھلو کمپنی اسے نا شکل ءِ اختیار کیک وخت اس کہ وزارت آئی ٹی بلوچستان نا ایلو علاقہ غاتے ٹی ہم داوڑنا ریسرچ و تعلیم نا پوسکن ءُ سینٹر جوڑ کیک ہراڑان ورناتے تخلیقی آئیڈیہ غاتا فراوانی ٹی کمک ملک ۔
