کوءٹہ ۔ 15جولائی (اے پی پی) بلوچستان عوامی پارٹی نا مرکزی صدر ووزیراعلیٰ بلوچستان جام کمال خان ایم کیو ایم پاکستان نا کنوینئر ڈاکٹر خالد مقبول صدیقی و رابطہ کمیٹی نا کنڈآن چیئرمین سینیٹ محمد صادق سنجرانی نا غیر مشروط مخ تفی آ متحدہ قومی موومنٹ نا منت واری ءِ ہرفسا پارے کہ چیئرمین سینیٹ محمد صادق سنجرانی نا بدل کننگ نا عمل ءِ بے سہب کننگ کن غٹ جمہوری …
چیئرمین سینیٹ محمد صادق سنجرانی نا مخ تفی آ ایم کیو ایم پاکستان نا کنوینر ڈاکٹر خالد مقبول صدیقی و رابطہ کمیٹی نا منت وار اُن، وزیراعلیٰ بلوچستان جام کمال خان
گیشتریں ھال
کوءٹہ ۔ 15جولائی (اے پی پی) بلوچستان عوامی پارٹی نا مرکزی صدر ووزیراعلیٰ بلوچستان جام کمال خان ایم کیو ایم پاکستان نا کنوینئر ڈاکٹر خالد مقبول صدیقی و رابطہ کمیٹی نا کنڈآن چیئرمین سینیٹ محمد صادق سنجرانی نا غیر مشروط مخ تفی آ متحدہ قومی موومنٹ نا منت واری ءِ ہرفسا پارے کہ چیئرمین سینیٹ محمد صادق سنجرانی نا بدل کننگ نا عمل ءِ بے سہب کننگ کن غٹ جمہوری و سیاسی جماعت آک اسہ پنہ غاٹو ، ایم کیو ایم پاکستان نا کنڈآن چیئرمین سینیٹ محمد صادق سنجرانی نا توثیق است بڈ ءُ گام و جمہوری سوگوی نا دوٹوک کلہو اسے، دوشنبے نادے آ وزیراعلیٰ سیکرٹریٹ آن جاری تینا بیان اسے ٹی بلوچستان عوامی پارٹی نا سروک و وزیراعلیٰ بلوچستان جام کمال خان پارے کہ چیئرمین سینیٹ ءِ بدل کننگ کن اپوزیشن نا قرارداد ءِ جمہوری وڑاٹ بے سہب کننگک و دا فیصلہ غا ایم کیو ایم پاکستان نا کنوینر ڈاکٹر خالد مقبول صدیقی و رابطہ کمیٹی نا منت وار اُن اوپارے کہ زوت ایم کیو ایم نا کنوینر ڈاکٹر خالد مقبول صدیقی تون اوڑدہی کرسا چیئرمین سینیٹ محمد صادق سنجرانی نا مخ تفی آ بلوچستان عوامی پارٹی و مچ آ صوبہ نا الس نا کنڈآن ایم کیو ایم پاکستان منت واری ءِ ہرفیوہ ۔
