وزیراعظم آزاد کشمیر اپوزیشن جماعت آتا پارلیمنٹ نا باسک آتے بریبری نا بنداو آ شونداری فنڈ فراوان کے، عبدالماجد خان

اسلام آباد ۔ 15جولائی (اے پی پی) آزاد کشمیر کانود ساز اسمبلی نا باسک عبدالماجد خان پارینے کہ وزیراعظم آزاد کشمیر اپوزیشن جماعت آتا پارلیمنٹ نا باسک آتے بریبری نا بنداو آ شونداری فنڈ فراوان کے، سیل و سوات ءِ مون آ دننگ کن عملی گام گیج کے و آزاد کشمیر آ بروک آ سیل و سواتی تے آسراتی فراوان کننگے ۔ دوشنبے نادے آ ’’اے پی پی‘‘ تون گپ و تران کرسا اوپارے کہ وزیراعظم آزاد کشمیر ریاست اٹی بریبری نا بنداو آ اپوزیشن نا پارلیمنٹ نا باسک آتے شونداری فنڈ فراوان کے، اپوزیشن نا ایم ایل اے تتون بریبر ہُپننگ ءِ بند کننگے ۔ اوپارے کہ داکان مست مستین اٹی ایم ایل اے تے سال اٹی پنجا لکھ روپئی حلقہ نا الس نا شونداری ڈٹ آتے کن تننگانے ولے حکمران مسلم لیگ (ن) ایم ایل اے تا شونداری فنڈ آتے بند کرینے ہرا جمہوریت نا دعویدار ءِ ولے دراصل اوفتا کڑد آمرانہ طرز حکومت آن ودءِ ۔