وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان نا ٹویٹ

اسلام آباد ۔ 15جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ زمی جمب نا زہمی تیکن بروک آ امداد نا 8 کروڑ روپئی نا سرکاری چیک براہ راست شہباز شریف نا سالم علی عمران نا جند انا اکاءونٹ اٹی جمع مس ۔ دوشنبے نادے آ تینا ٹویٹ اٹی اوپارے کہ ڈوہ انا دا راستکی نا امنا ءِ ایرانا آفیسر اکرام نوید نیب تون پلی بارگین کرسا تینا حلفی بیان نا دروشم اٹ ہم کرینے ۔ دروغ انا کسر کٹک، لیگی ترجمان دروغ ءِ رکھ تننگ کن دروغ انا زی آ دروغ تڑنگ ءِ ۔ دوشنبے نادے آ تینا ٹویٹ اٹی اوپارے کہ نوکری نا زنجیر اٹی تفوک ترجمان ہراوخت اسکان دُزی، کرپشن و منی لانڈرنگ نا دفاع ءِ کیک ۔ شہباز اینڈ سنز انا مون انگا دھن و ٹی ٹیز نا فہرست ہنداخہ مرغن ءِ کہ دفاع کرسا کرسا زوت ترجمان تا دوک بڑزامریرہ ۔ اوپارے کہ اگہ شہباز اینڈ سنز بشمول سالم سُچا ءِ تو ملک آن انت اکن نرا ۔ ڈاکٹر فردوس عاشق اعوان مستی پارے کہ ایرانا آفیسر نا امناغان پد جوان ہندادے کہ شہباز شریف نا خاہوت ہم اقبال جرم کرسا کرپشن آن توبہ کے ۔ توبہ نا درگہ ہمیشہ ملوک مریک ۔