اسلام آباد ۔ 15جولائی (اے پی پی) صدر مملکت ڈاکٹر عارف علوی سائنس اینڈ ٹیکنالوجی نا پڑاٹ پٹ و پول ءِ بے کچ اہم گوندسا پارینے کہ مصنوعی ذہانت نا روزگار نا بشخ انا وارخواہی فراوان کیک وخت اس کہ انسانی وسیلہ غاتا شونداری آہم پبی چکار کننگ نا گرج ءِ ۔ دوشنبے نادے آ داڑے قائد اعظم یونیورسٹی نا قومی مرکز فزکس اٹی 44می انٹرنیشنل نتھیا گلی سمر کالج آن تران کرسا صدر پارے کہ پٹ وپول آن ہیل کننگ نا عمل پورو مریک ۔ فزکس نا علم اٹی انسان ناہیل کننگ کن بھاز گڑا ارے ۔ اوپارے کہ علم انا پڑاٹی جستجو مدام برجاسلک ۔ اوپارے کہ توانائی نا بشخ اٹی کاریم نا کچ ءِ ودفنگ نا گرج ءِ، توانائی نا دوئی کننگ کن متبادل ذریعہ نا کاریم اٹ اتنگ بھاز المی ءِ، داڑتون اوار اوار انسانی وسیلہ غاتا شونداری نا بشخ ہم پبی چکارنا متقاضی ءِ ۔
