صدر مملکت ڈاکٹر عارف علوی نا خصوصی چناتیٹی وہیل چیئرز بشخنگ نا دود آن تران

اسلام آباد ۔ 15جولائی (اے پی پی) صدر مملکت ڈاکٹرعارف علوی پارینے کہ معذور بندغ آتا خیال ءِ تخنگ راج انا اجتماعی زمواریءِ، مالی مشکل آتیان پد ہم حکومت اختہ مروک آ تپہ غاتے کن سپورٹ پروگرام و احساس پروگرام نا بجٹ اٹ دوگنا ودکی کرینے، مخیر خواجہ غاک ہم دا بابت مون آ برسا تینا کڑدءِ بایدے ادا کیر ۔ داخیال آتا درشانی ءِ او دوشنبے نادے آ خصوصی چناتیٹی وہیل چیئرز بشخنگ نا دود آن تران کرسا کرے ۔ اوپارے کہ معذور بندغ آتا خیال ءِ تخوک آ راج آتیا اللہ نا رحمت آک نازل مریرہ ۔ اوپارے کہ اسہ کساس اسے نا رداٹ پاکستان اٹی 10 آن 15درسد خلقت معذور ءُ ۔ معذوری ٹی ہچ ءُ عیب اس اف بلکن دا اللہ تعالیٰ نا نظام نا رداٹ ءِ ۔ اوپارے کہ راج انا گڑاس زمواری مریرہ ہراٹی معذور بندغ آتے اوفتا آسراتی کن وہیل چیئرز آتون اوار ایلو گرج آتا فراوانی اوارے ۔ مخیر خواجہ غاک دابابت مون آ بریر و تینا کڑد ءِ ادا کیر ۔ صدر مملکت پارے کہ معذور بندغ آتا خیال ءِ تخنگ راج انا اجتماعی زمواری ءِ ۔