وزیراعظم عمران خان نا مسکوہی کرکٹر شاہد آفریدی تون گپ و تران

اسلام آباد ۔ 15جولائی (اے پی پی) وزیراعظم عمران خان پارینے کہ نجی بشخ انا السی راجی آسراتی نا ڈٹ آتے ٹی اوار مننگ نا است بڈی کن ہروڑنا کمکاری و آسراتی فراوان کننگک ۔ اوداہیت ءِ مسکوہی کرکٹر شاہد آفریدی تون گپ و تران کرسا پارے ہرافک دوشنبے نادے آ وزیراعظم آفس اٹی اوڑتون اوڑدہی کریر ۔ اوڑدہی ٹی سینیٹر فیصل جاوید و خصوصی کمکار ئسک ہم ساڑی ئسر ۔ اوڑدہی ٹی احساس پروگرام ، پناہ گاہ کون آ السی راجی آسراتی نا ڈٹ آتا بابت گپ و تران مس ۔ شاہد آفریدی گپ و تران کرسا پارے کہ السی راجی آسراتی نا بابت حکومتی ڈٹ آتے ٹی نجی شعبہ ٹی بھاز است خواہی ارے، نجی بشخ پناہ گاہ تا جوڑ کننگ اٹ پین متحرک کڑد ادا کننگ نا است خواہ ءِ ۔ وزیراعظم پارے کہ السی راجی آسراتی نا ڈٹ آتے ٹی نجی بشخ انا است خواہی ستاکڑزک ۔