اسلام آباد۔ 14 جولائی (اے پی پی) پاکستان ئُُ بھارت ئِ میان ئَ سکھ یاتریانی ھاترا کرتارپور راہداری ئِ سرا گپ ئُُ تران ئِ دومی بھر یک شمبے ئَ برجمینگ بوتگ ایشی ئِ تہ دوئیں ملکاں لہتیں معاملہانی سرا 80درسد تپاک کتگ۔واہگہ ئِ تہ میڈیا ئِ گوما گپ ئُُ تران کنان ئَ ربالکار ئَ گوشت کہ گپ ئُُ تران ئِ دومی بھر ئَ دوئیں ملکاں 80درسد معالہانی سرا تپاک کتگ ئُُ پد منتگیں ایشوز ئِ سرا تپاکی ئِ ھاترا گپ ئُُ تران ئِ یک دومی دور درکار بیت۔گپ ئُُ تران ئِ تہ پاکستانی ڈل ئِ سروکی ڈاکٹرمحمد فیصل وھدیکہ 8 باسکی بھارتی ڈل ئِ سروکی بھارتی تہی کارانی کارگس ئِ جائنٹ سیکرٹری ایس سی ایل داسئَ کتگ۔گپ ئُُ تران ئِ اولی بھر 14مارچ ئَ اٹاری ئِ تہ برجمینگ بوتگ ات۔دومی راونڈئِ ھاترا پیسرئَ 2 اپریل ئِ رمس ایر کنگ بوتگ ات بلے بھارت گپ ئُُ تران ئَ چہ درکپتگ ات۔آہاں گوشت کہ کرتارپور راہداری ئَ را پچ کنگ ئِ بنیاتی مکسد امن ئُ ایمنی ئِ پراھی انت،پاکستان ئِ خطہ ئِ تہ امن ئِ ھاترا پُرجزم انت۔
