اسلام آباد ۔ 12 جولائی (اے پی پی) وزیر ءِ درئی کار شاہ محمود قریشی ءَ گوشت کہ مزن وزیر عمران خان ءِ امریکہ ءِ تر ءُُ تاب ءَ چہ دوئیں ملک آنی نیام ءَ دو نیمگی یکوئی گیش مھکم ءُُ برجم بنت ۔ آئی ءَ اے گپ پاکستان ءَ امریکی سفارتخانہ ءِ ناظم الامور پال جونز ءَ گوں گپ ءُُ تران کنان ءَ کت آئی ءَ آدینگ ءِ روچ ءَ وزارت ءِ درئی کار ءَ گوں گند ءُُ نند کت ۔ گند ءُُ نند ءِ ساھت ءَ مزن وزیر عمران خان ءِ امیت کتگیں امریکہ ءِ تر ءُُ تاب، پاک امریکہ یکوئی، اوگان ایمنی ءِ کار ءَ ھوار وت مہ وتی واھگی کار آنی سر ءَ ھیال ریچی کنگ بوت ۔
