اسلام آباد ۔ 12جولائی (اے پی پی) وزیراعظم نا خصوصی کمکار جا ن جوڑی ڈاکٹر ظفر مرزا پارینے کہ وزیراعظم عمران خان نا وژن نا رداٹ جان جوڑی نا بشخ اٹی حقی وڑاٹ بدلی اتنگ اُن، اسلام آباد ہیلتھ کیئر سسٹم ءِ ماڈل ہیلتھ کیئر سسٹم اس جوڑ کننگ اُن ۔ داخیال آتا درشانی ءِ او جمعہ نادے آ جان جوڑی نا بنداوی ہند شاہ اللہ دتہ نا دورہ نا وخت آ کرے ۔ داوخت آ بنجائی سیکرٹری وزارت جان جوڑی ڈاکٹر اللہ بخش ملک، ڈائریکٹر جنرل ہیلتھ ڈاکٹر اسد حفیظ ئسک ہم اوڑتون اوار ئسر ۔ داوخت آ ڈاکٹر ظفر مرزا ءِ ڈسٹرکٹ ہیلتھ آفیسر بی ایچ یو ءِ مون تروک و چیلنج وویل آتیا سرجم بریف کرے ۔ داوخت آ ڈاکٹر ظفر مرزا پارے کہ ننکن دا اینو بھلو تاریخی ءُ دے اسے کہ نن اینو آن اسلام آباد نا کیپٹل نا ہیلتھ کیئر سسٹم ءِ ماڈل ہیلتھ کیئر سسٹم اس جوڑ کننگ نا بناءِ کننگ اُن ۔
