اسلام آباد ۔ 11 جولائی (اے پی پی) بنجاھی وزیر برائے منصوبگ بندی، دیمروئی کار مخدوم خسرو بختیار ءَ گوشت کہ پاکستان ءُُ چین ءِ سرمایہ کار یکجائی منصوبگ بندات کنان ءَ وت مہ وتی کمک آناں دیمروئی دات کناں ۔ اے گپ آئی ءَ پنچ شمبے ءِ روچ ءَ چین ءِ کاروباری بامرد ءُُ سرمایہ کار آنی ڈل ءِ نیام ءَ تران کنان ءَ کت ۔ اے موہ ءِ سر ءَ پراجیکٹ ڈائریکٹر سی پیک حسان داوءود ءُُ وزارت ءِ ٹوھیں کارندہ ھم ساڑی اتنت ۔ مخدوم خسرو بختیارر ءَ گوشت کہ استیں حکومت چین ءِ کمک ءَ چہ اسپیشل اکنامک زونز آنی زوت سرجمی ءِ واستہ واھشت ایگ انت ۔ آئی ءَ گوشت کہ استیں حکومت ءَ ڈنی سرمایہ کاری ءَ را دیمروئی ءِ واستہ سرمایہ کار دوستیں پالیشی پجار کنائینتگ انت ۔ آئی ءَ گوشت کہ اسپیشل اکنامک زونز آں چہ پاکستان ءِ صنعتی دیمروئی ءَ را نوکیں پڑ ءِ رسیت ۔
