اسلام آباد۔ 11جولائی (اے پی پی) وزیراعظم عمران خان بینکاری ذریعہ اٹ 9.7 درسد نا ودکی اتون زیات ترسیلات زر مون تننگ آ سمندر آن ایپار پاکستانی کارندہ غاتا منت واری ئِ ہرفینے۔ پنچ شنبے نادے آ تینا اسہ ٹویٹ اسے ٹی وزیراعظم پارے کہ او بینکاری ذریعہ اٹ زیات ترسیلات زر مون تننگ آ سمندر پار پاکستانی تا منت واری ئِ ہرفنگ نا خواہندار ئِ۔ اوپارے کہ تدوک آ مالی سال انا مقابلہ ٹی دا سال 9.7 درسد نا سالانہ شرح نمو نا ودکی اتون 21.8 ارب ڈالر نا جم ترسیلات زر مون تننگا۔ دا پیسہ غاک تدوک آسال آن بھاز زیات ئُ ہراتم دافتے ٹی بیرہ 2.9 درسد ودکی مسوسس۔
