اسلام آباد۔ 11جولائی (اے پی پی) سرکاری و پرائیویٹ اسکیم تا رداٹ 20 ہزار آن زیات حاجیک حج کننگ کن حج مبارک آ سرمسنو۔ وزارت مذہبی امور نا رداٹ حج آن مست 52ہزار آن زیات پاکستانی مدینہ منورہ ٹی روضہ رسول نا زیارت ئِ کیرہ انتئے کہ اولیکو 15دے پاکستان آن حج مبارک آ سرمروک آ جہاز آک براہ راست مدینہ منورہ غا سرمریرہ۔ وزارت مذہبی امور نا پاننگ ئِ کہ حج میڈیکل مشن نا رداٹ مدینہ منورہ ٹی 19 ڈاکٹر و 34پیرامیڈیکل اسٹاف کاریم کننگ ئُ۔ دا چرجوئی ٹی 2ہسپتال ، 2 ڈسپنسرآتا کمک اٹ طبی خذمت فراوان کننگ انگ ئِ۔ داوخت اسکان 680 عازمین آتے طبی آسراتی تننگانے۔ ایمرجنسی نا حالیت اٹ ایمبولینس نا آسراتی ہم فراوان کننگانے۔ عازمین حج انا کنڈآن غاو تا حالیت اٹ دمدستی کارروائی کننگک۔ کسر ئِ گیرام کروک آ 24بندغ ئِ اوفتا مزل آ سرکننگانے۔ سعودی عرب اٹی راہشونی یا فریشانی کن مفت ہیلپ لین اس جوڑ کننگانے۔ حج آہنوک آک غاو تا حالیت اٹ 0800-1122266 آ کال کننگ کیرہ۔
