اسلام آباد۔ 11جولائی (اے پی پی) چیئرمین سینیٹ محمد صادق سنجرانی لاہور آن کوئٹہ غا ہنوک آ اکبر ایکسپریس ٹرین نا است ہسون شکست آ است ہسونی نا درشانی ئِ کرے ہراٹی شکست اٹی چندی بندغ آک تپاخت کریرو ٹھپی مسر۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ غم زدہ خاہوت تون ہڑزخواہی و ٹھپی مروک آتا زوت جان جوڑی کن دعا کرے۔ اودعا کرے کہ اللہ تعالیٰ تپاخت کروک آ بندغ آتے جنت الفردوس اٹی جاگہ ایتے۔ اوپارے کہ ٹھپی تے درمان نا گچین آسراتی فراوان کننگے۔ پین وخت اس دُنگ انگا شکست آتا توننگ کن جوان ئُ حکمت عملی اس تینا کننگے۔
