اسلام آباد۔ 11جولائی (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ دا سال جہانی یوم آبادی ئِ آئی سی پی ڈی نا 25سال انا کارکڑد نا لحاظ اٹ اڈ تننگ انگ ئِ۔ پاکستان 20 کروڑ 7لکھ انا آبادی اتون آبادی نا لحاظ اٹ دنیا نا بھلا ملک آتے ٹی اوارے۔ داخیال آتا درشانی ئِ او جہانی یوم آبادی نا بابت دود آن تران کرسا کرے۔ اوپارے کہ ملکی آبادی ٹی 2.4 درسد سالانہ نا کچ اٹ ودکی مننگ ئِ۔ خصوصی کمکار پارے کہ ترندی اٹ ودوک آ آبادی نا مون ئِ توننگ کن گام گیج آتے ٹی سست روی نا سوب زچہ و بچہ نا زند ئِ مون تروک گڑتی تیٹی ودکی مننگ ئِ، ہر سال 90 لکھ زالبول چناتا ودی مننگ نا عمل آن گدرینگرہ۔ 40لکھ زالبول خواپسہ ولداہم حمل نا مرحلہ غاتیان گدرینگرہ۔ اوپارے کہ آبادی نا مون ئِ توننگ کن حکومت 8 سلاہ تیا سجفنگ ئِ۔
