اسلام آباد۔ 11جولائی (اے پی پی) لاہور آن کوئٹہ غا ہنوک آ اکبر ایکسپریس پنچ شنبے نا سہب اتون 4بجہ ئُ 45منٹ آ ولہار اسٹیشن صادق آباد آ ٹریک آ مست آن ساڑی پارسل ایکسپریس تون ڈوک لگا۔ ترجمان ریلوے نا رداٹ شکست اٹی داوخت اسکان ضلعی انتظامیہ نا رداٹ 9 بندغ تپاخت کریر و کم و ود 25بندغ ٹھپی مسنو۔ پاکستان ریلوے شکست نا جاگہ غا ٹھپی تیکن پیرا میڈیکل کیمپ اس خلکونے۔ زرس ٹھپی مروک آ مسافر آتے دمدستی طبی امداد موقع غا تننگ انگ ئِ۔
