لندن۔ 11جولائی (اے پی پی) وزیر خارجہ شاہ محمود قریشی پاکستان نا سلامتی، سوگوی و وطن نا دفاع کن پشتون تا قربانی تا ستائِ کرسا اوفتیا زور شاغانے کہ او ملک دشمن تا پاکستان مخالف ذہنیت و بیانیہ ئِ شکست تننگ کن پورو سیوت و سخا نا درشانی ئِ کیر۔ داخیال آتا درشانی ئِ او لندن اٹی یونائیٹڈ پشتون سوسائٹی یوکے نا چیپٹر نا کنڈآن اڈ ہلوک آ دود آن تران کرسا کرے۔ وزیر خارجہ پارے کہ پشتونک خاص کر تحریک پاکستان و 1948ء، 1965ءو 1971ءنا پاک بھارت جنگ آتے ٹی ہراقبربانی و خذمت آتے سرانجام تسنو او فک ستاکڑزرہ۔ دود ساﺅتھ ہال لندن اٹی اڈ ہلک ہراٹی پشتون تا اسہ بھلو کچ اس بشخ ہلکر۔ دود آن برطانیہ ٹی پاکستان نا ہائی کمشنر نفیس ذکریا، یونائیٹڈ پشتون سوسائٹی یوکے نا صدر سید صفدر شاہ، چیئرپرسن عبداللہ خان و سوسائٹی نا باسک آک سید لیاقت علی شاہ، محمد ریاض، حاجی شمس الرحمان، اصغر شاہ و جان خان ئسک ہم تران کریر۔
