اسلام آباد۔ 11جولائی (اے پی پی) اسلام آباد۔پشاور موٹروے (ایم ون) براہمہ باہتر انٹرچینج آ حسن ابدال نا خڑک آ سوات آن لاہور آ ہنوک آمسافر بس پنچ شنبے نادے آ چپی مس ، شکست اٹی 10 بندغ تپاخت کریر و 23ٹھپی مسر۔ موٹروے پولیس نا ترجمان نا رداٹ بس نمبر ایل ای ایس 149 سوات آن لاہور آ ہناکہ کہ اسلام آباد ۔پشاور موٹروے (ایم ون) براہمہ باہتر انٹرچینج آ حسن ابدال نا خڑک آ ترند رفتاری و پِر آن لغوشت کننگ نا سوب موڑ آ ڈیور آن بے قابو مرسا چپی مس ہراٹی 10 مسافر موقع غاتپاخت کریر۔ ترجمان نا رداٹ شکست نا وخت آ بس اٹی 49 مسافر سوار ئسر بس شکست اٹی تپاخت کروک آتا لاش و ٹھپی تے ہسپتال آ مون تننگانے وخت اس کہ بس ڈیور ئِ دزگیر کرسا ہندی پولیس اسٹیشن آ مون تننگانے۔ موٹروے پولیس تپاخت کروک آ و ٹھپی مروک آتیان گیشتر ئِ درستی راستی کرینے۔ تپاخت کروک آ 10 بندغ اٹی اسہ چناس، مسہ زالبول و 6 نرینہ اوارو۔ تپاخت کروک آتیان سکینہ بی بی، نورین، کنزا نا تعلق لاہور آن ئِ وخت اس کہ نرینہ غاتے ٹی خالد شہزادسکنہ ننکانہ، سیف الرحمان ، نیاز و تاج انا تعلق سوات آن ئِ۔ اعجاز سکنہ نامعلوم و اِرا بندغ نا درستی راستی مننگ کتنے۔ شکست اٹی اسہ بندغ اس بھاز ٹھپی و 22مچے ٹھپی مسنو ہرافتے واہ جنرل ہسپتال و ڈی ایچ کیو آ مون تننگانے۔
