پنچ سال اٹی برنج نا برآمد آتے 5 ارب اسکان ودفنگ کن جامع حکمت عملی اس کینہ
اسلام آباد۔ 11جولائی (اے پی پی) سلاہکارواپار عبدالرزاق داﺅد پارینے کہ بروک آ پنچ سال اٹی برنج نا برآمد ئِ 2 ارب آن 5ارب اسکان ودفنگ کن جامع حکمت عملی اس کینہ ، قطر و ایران نا منڈی تیٹی برنج نا برآمد آتیان فائدہ ہرفنگے۔ دا خیال آتا درشانی ئِ او پنچ شنبے نادے آ رائیس ایکسپورٹرز ایسوسی ایشن ناڈل اتون اوڑدہی ٹی کرے۔ ڈل انا کماشی ئِ رائیس ایکسپورٹرز ایسوسی ایشن نا چیئرمین صفدر میکری کریکہ۔ سلاہکار واپار عبدالرزاق داﺅد قطر انا کنڈآن خلوک پابندی تے اینک کننگ آ منت واری ئِ ہرفے۔ اوڑدہی ٹی سلاہکا ر واپار پارے کہ قطر و ایران نا منڈی تیٹی برنج نا برآمد آتیان فائدہ ہرفنگے، بروک آ پنچ سال اسکان برنج نا برآمد آتے 2 ارب ڈالر آن 5 ارب ڈالر اسکان ودفنگک۔ برنج نا برآمد آتے 5 ارب ڈالر اسکان دننگ کن جامع حکمت عملی اس کینہ۔ عبدالرزاق داﺅد پارے کہ جامع حکمت عملی ٹی ساڑی منڈی تیٹی برآمد آتے ودفنگ، پوسکن آ منڈی تا پٹنگ و جہانی آب انا رداٹ برنج ئِ تیار کروئی مریک۔ قطر پاکستانی برنج نا درآمد آتیان خلوک پابندی ئِ چٹفسا برنج نا درآمد آتا موکل تس۔ اوپارے کہ چین و انڈونیشیانا پین منڈی تسکان رسینگ آن برنج نا برآمد آتے ٹی ودکی مسنے۔ ایران ہم پاکستان آن 5لکھ ٹن برنج نا درآمد آتا است خواہی نا درشانی ئِ کرینے۔
