اسلام آباد۔ 10 جولائی (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار پارینے کہ حکومت سائنس اینڈ ٹیکنالوجی نا بشخ انا گچینی کن کوشست کننگ ءِ، شعبہ نا شونداری کن اولیتی بنداو تیا گام گیج کننگ انگ ءِ تانکہ پاکستان آئی ٹی نا پڑاٹ تینا ہند اس جوڑ کننگ کے۔ او سینٹرل ڈویلپمنٹ ورکنگ پارٹی نا دیوان آن تران کریکہ۔ سی ڈی ڈبلیو پی انا دیوان اٹی سائنس اینڈ ٹیکنالوجی نا بابت پاکستان اٹامک انرجی نا کنڈآن پاکستان ریسرچ ریکٹر 3اکن 4671.050 ملین روپئی نا ڈٹ اس پیش کننگا ہرادے پورو منظوری کن ایکنک آ گدریفنگا۔ وزارت سائنس اینڈ ٹیکنالوجی نا کنڈآن ارٹ میکو ڈٹ کشت وکشار و ہیلتھ سائنسز اٹی مصنوعی انٹیلی جنس نا کاریم اٹ اتنگ کن پوسٹ گریجویٹ مرکز نا جوڑ کننگ کن 527.676ملین روپئی نا ڈٹ اس پیش کننگا ہرادے دیوان اٹ منظور کننگا۔
