اسلام آباد۔ 10 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ غریب آتا مال ءِ کنوک آتا حساب نا دے بسنے، مسکوہی حکمرانک قوم انا مال آتیا بادشاہ جوڑ ئسر۔ چارشنبے نادے آ تینا ٹویٹ اٹی اوپارے کہ مسکوہی حکمران تا درملکی دورہ”مال مفت دل بے رحم“ نا مصداق ءِ۔ تینا چارنہ اس خڑچ کپروک آک قوم انا پیسہ غاتے اٹ کروڑ آ روپئی نا ٹپ تسر۔ اوپارے کہ دا لٹ وپل کروک آک ٹپ اٹی قوم انا مال آتے تتورہ تو اینو قوم غریبی نا گواچی متوکہ، اوپارے کہ اینو تینا دا لٹ و پل ءِ دا بے شرمی اٹ استحقاق گوندرہ۔ اوفتا گاڈیک سرکاری و پیشن نا ملک آ تینا جندی دورہ کن ہم قوم انا پیسہ غاتے اٹ ہنارہ۔ اینو حساب نا واری بس تو کوک و واتوڑ ختم مفننگ ءِ۔ فردوس عاشق اعوان پارے کہ حساب تننگ آن بیدس اوفتا جان خلاس مفک۔
