کوءٹہ ۔ 09 جولائی (اے پی پی) ڈائریکٹر جنرل نیب بلوچستان فرمان اللہ پارینے کہ احتساب غٹ اکن نا پالیسی نا تسلسل برجاءِ ، نیب بلوچستان تدوک آ شش تُو انا کارکڑدگی ءِ جاری کرے، جتا کرپشن کیس آتے ٹی 20 بندغ دزگیر، 50 آن زیات جاست وپاست نا بناء، جم وڑاٹ 175کیس آتا جاست وپاست آ کاریم برجا، چندی محکمہ، پرائیویٹ ادارہ و ہاءوسنگ سوساءٹی تا کرپٹ بندغ آتا برخلاف کرپشن نا جاست وپاست ءِ پورو کرسا 10 ریفرنس احتساب عدالت اٹ دائر، احتساب عدالت آن چندی دوبہ دار آتے سزا، نیب بدعنوانی نا ناسور نا برخلاف چیئرمین نیب جسٹس جاوید اقبال نا احتساب غٹ اکن نا پالیسی نا رداٹ کارروائی تا چرجوئی ءِ برجاتخک، داخیال آتا درشانی ءِ او سے شنبے نادے آ تینا جاری کروک بیان اٹی کرے، اوپارے کہ قومی احتساب بیورو بلوچستان 2019ء نا اولیکو شش تُو اٹی جتا السی غاو تیا کاررروائی کرسا 50 آن زیات کرپشن کیس آتا جاست وپاست نا بناءِ کرے، جم وڑاٹ 175کیس آتا جاست وپاست آ کاریم برجاء، چندی سرکاری، پرائیویٹ محکمہ و ہاءوسنگ سوساءٹی تا کرپٹ بندغ آتا برخلاف کرپشن نا جاست وپاست ءِ پورو کرسا 10 ریفرنس احتساب عدالت اٹ دائر کننگا، کرپشن کیس آتے ٹی درکار ملک انا جتا علاقہ غاتیان 20 بندغ ءِ دزگیر کننگا وخت اس کہ ہندا وخت اٹی احتساب عدالت آن چندی دوبہ دار آتے سزا ہم بنفنگا ۔ ڈی جی نیب بلوچستان فرمان اللہ کرپشن نا پورو چٹفنگ نا عزم انا اعادہ ءِ کرسا پارے کہ بدعنوان عنصر آتے سرکاری وسیلہ غاتا لٹ وپل کننگ کن ہلنگ پننگک ، نیب بدعنوانی نا ناسور نا برخلاف چیئرمین نیب جسٹس جاوید اقبال نا احتساب غٹ اکن نا پالیسی نا رداٹ کارروائی تے برجاتخک ۔ نیب بلوچستان ءِ سال 2019ء ٹی جنوری آن جون اٹی کرپشن نا بابت 437 غاو ملا ہرافتے ٹی بنائی جانچ پڑتال و شاہدی تے مون آ تخسا 50 آن زیات اہم کیس آتا جاست وپاست نا بناءِ کننگا، پوسکن بناکروک آ جاست وپاست ، پارلیمنٹ نا باسک ، بیورو کریٹس ، سرکاری آفیسر و کارندہ و ہاءوسنگ سوساءٹی تا زموار آتا کرپشن نا بابت ءِ ۔ فروری آن جون نیب انا جتا ٹیمک بدعنوانی نا چندی کیس آتا جاست وپاست ءِ پورو کرسا 10 ریفرنس احتساب عدالت اٹ جمع کرفے ۔ ڈائریکٹر جنرل نیب بلوچستان عرفان اللہ پارے کہ قومی احتساب بیورو کرپشن نا توننگ کن تندہی اٹ کاریم کننگ ءِ ۔ کانود نا حکمرانی ، میرٹ وشفافیت نا اصول آتیا ہچ ءُ سمجھوتہ اس کننگپک ۔ کرپشن نا چٹفنگ بیرہ نیب انا کوشست آتیان مننگ کپک دانا پورو چٹفنگ کن راج انا غٹ تپہ غاتے تینا آئینی و اخلاقی زمواری تا ادراک ءِ کرسا بدعنوان عنصر آتا حوصلہ شکنی ءِ کروئی مریک ۔ چیئرمین جسٹس جاوید اقبال ڈی جی نیب بلوچستان فرمان اللہ نا کماشی ٹی قومی احتساب بیورو بلوچستان نا کارکڑد انا ستاءِ کرے و اومیت ظاہر کرے کہ پین گچینی کن گام گیج چست کننگک ۔
