اسلام آباد ۔ 09 جولائی (اے پی پی) فیڈرل بورڈ آف ریونیو نا ترجمان گڑاس ٹی وی چینل آتیا چلینگوک آ خبر آتا تردید ءِ کرینے ہرافتے ٹی پاننگانے کہ ایف بی آر پراپرٹی نا نہاد آتا تعین نا کاریم ءِ تورینے ۔ سے شنبے نادے آ ایف بی آر نا ترجمان نا کنڈآن جاری بیان نا رداٹ پیدوار کننگانے کہ پراپرٹی مارکیٹ نا اسٹیک ہولڈرز آتون مذاکرات نا عمل ترندی اٹ برجاءِ و پوسکن آ ریٹ آتا تعین ہنداہفتہ نا ایسر اسکان پورو مریک ۔ اوپارے کہ پوسکن آ نوٹیفکیشن جاری مننگ اسکان پراپرٹی نا لین دین جنوری ٹی جاری کروک آ ریٹ آ مریک ۔