اسلام آباد ۔ 09 جولائی (اے پی پی) وزیراعظم نا سلاہکار خزانہ، محصولات و اقتصادی امور ڈاکٹر عبدالحفیظ شیخ پارینے کہ آخبت اٹی پاکستان و نیشنل بینک آف دبئی لمیٹڈ بنکنگ گروپ نا نیام اٹ اشتراک کار اٹی پین ودکی مریک ۔ اوداہیت ءِ سے شنبے نادے آ داڑے متحدہ عرب امارات نا نیشنل بینک آف دبئی لمیٹڈ نا ڈل اتون اوڑدہی ٹی پارے ۔ ڈل انا کماشی ءِ ایمرٹس این بی ڈی کیپیٹل لمیٹڈ نا چیف ایگزیکٹو آفیسر فہد علی قاسم کریکہ ۔ ڈاکٹر عبدالحفیظ شیخ ڈل ءِ بخیر کرسا دا پت انا درشانی ءِ کرے کہ آخبت اٹی پاکستان و این بی ڈی لمیٹڈ نا نیام اٹ اشتراک کار اٹی پین ودکی مریک ۔ بینک انا چیف ایگزیکٹو آفیسر بینک انا مالیاتی ٹیم اتون اوڑدہی آ وزیراعظم نا سلاہکار نا منت واریءِ ہرفیر ۔ اوبینک انا گونڈءُ درستی و راستی اس و مالیاتی خذمت آتا بارواٹ حوال ہم تسر ۔
