پاکستان دولت مشترکہ ٹی تینا پبی کڑد ءِ ادا کرسا کیک، دولت مشترکہ نا دیوان اٹی باسک ملک آتا وزیر خارجہ غاتون اوڑدہی نا موقع ملک
اسلام آباد ۔ 09 جولائی (اے پی پی) وزیر خارجہ مخدوم شاہ محمود قریشی پارینے کہ پاکستان دولت مشترکہ ٹی پبی کڑد ادا کننگ ءِ ، و او پین وخت اس ہم تنظیم اٹی تینا کڑد ءِ ادا کرسا کیک، دولت مشترکہ نا 2018 ء ٹی پک کروک ہدف آتیا پیش رفت نا بابت پاکستان نا کنڈآن سرجم رپورٹ اس پیش کیوہ ۔ سے شنبے نادے آ اِرادے ئی سرکاری دورہ غا برطانیہ غا رادہ مننگ آن مست میڈیا تون گپ و تران کرسا وزیر خارجہ پارے کہ دولت مشترکہ نا 54باسک ملک ءُ و پاکستان ءِ ہم داٹی نمائندگی دوئی ءِ، پاکستان دولت مشترکہ ٹی تینا پبی کڑد ءِ ادا کننگ ءِ ۔ مخدوم شاہ محمود قریشی پارے کہ دولت مشترکہ نا اسہ بھلو دیوان اس مننگ والا ءِ ہراٹی بشخ ہلنگ کن برطانیہ غا رادہ مننگ اُٹ، برطانوی وزیر خارجہ جیرمی ہنٹ دولت مشترکہ نا دیوان ٹی بشخ ہلنگ نا سلہ خلکونے ۔ اوپارے کہ دولت مشترکہ نا دیوان اٹی باسک ملک آتا وزیر خارجہ غاتون ہم اوڑدہی نا موقع ملک ۔ اوپارے کہ دیوان اٹی دولت مشترکہ نا 2018ء ٹی پک کرو ک آ ہدف آتیا پیش رفت نا بابت پاکستان نا کنڈآن سرجم ءُ رپورٹ اس ہم پیش کیوہ ۔
