اسلام آباد ۔ 09 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ وزیر اعظم عمران خان حقدار آتے اوفتا حق ءِ تننگ نا بناءِ کرینے، پی ٹی وی نا پنشنرآتا متکن آ ویل ءِ ایسر کرسا ریٹائرڈ ملازم آتے 85کروڑ روپئی نا پنشن نا ادائیگی کننگانے ۔ سے شنبے نادے آ تینا ٹویٹ اٹی اوپارے کہ پنشنر آتے اوفتا حق ملنگ آ مبارکبادی پیش کیوہ ۔ اوپارے کہ وزیراعظم عمران خان نا ویژن نا رداٹ ادارہ غاتے ٹی بھاز انگا اصلاحات اتنگ و اوفتے اوفتا نت تیا سلنگ کن پرعزم ءِ ۔ وزیراعظم نا خصوصی کمکار حوالکاری و شینکاری پارے کہ سوگو ادارہ غاک ملکی سوگوی وپائیدار شونداری نا دوئی کننگ کن المی ءُ ۔
