اسلام آباد۔ 08 جولائی (اے پی پی) وزیراعظم نا سلاہکار خزانہ، محصولات و اقتصادی امور ڈاکٹر عبدالحفیظ شیخ پارینے کہ حکومت ہاؤسنگ نا بشخ ءِ مون آدننگ و شونداری کن کمک فراوان کننگ ءِ انتئے کہ دا ہندن ءُ بشخ اسے ہراڑے ورناتے روزگار نا زیات وارخواہی فراوان کننگ مریک، رئیل اسٹیٹ نا بشخ ءِ متحرک و فعال کننگ آن سمندر پار رہینگوک پاکستانی تے دا بشخ اٹی زرکاری کن اتنگ مریک۔ اوداہیت ءِ دوشنبے نادے آ داڑے وزارت خزانہ ٹی اسہ دیوان اسے نا کماشی ءِ کرسا پارے۔ دیوان نا مسخت اسلام آباد ایکسپریس وے اتون پوسکن آ پاکستان اقتصادی نا جوڑ کننگ کن چندی مالیاتی ماڈل آتا جاچ ءِ ہلوئی ئس۔ پوسکن آ پاکستان ہاؤسنگ ایسوسی ایشن نا چیئرمین لیفٹیننٹ جنرل (ر) امیر علی حیدر دا وخت آ ڈٹ انا بابت غٹ ترسرجم آتا بارواٹ حوال تس۔ اوپارے کہ دا پروجیکٹ مسٹ آن چار مرحلہ غاتے ٹی پورو مریک، دا فیض آباد آن بناکیک و روات نا خڑک آ چٹک۔
