اسلام آباد۔ 08جولائی (اے پی پی) بنجائی وزیر مواصلات و پوسٹل سروسز مراد سعید و وزیراعظم نا خصوصی کمکار شہزاد اکبر اواری اٹ پریس کانفرنس اٹی پارینو کہ اپوزیشن ناگروہ منہ دے آ جلہو گیر بیانیہ پیش کننگ ءِ و داگروہ نا اسٹ مننگ نا اسٹ انگا سوب اوفتا کرپشن نا لٹ وپل ءِ۔ دابندغ آک چھانگا مانگا نا سیاست اٹ سیاسی ادارہ غاتے یرغمال کرسا کرپشن ءِ مون آ دریر، ہراخلقت ءِ عدالتسسلین مافیا پارے او چیئرمین نیب ءِ دھڑکو تننگ ءُ، دوشنبے نادے آ پی آئی ڈی ٹی اواری اٹ پریس کانفرنس اٹی اوفک پاریر کہ احسن اقبال قومی خزانہ ءِ 50 ارب نا نسخان تس و شہباز شریف غیر کانودی وڑاٹ احسن اقبال نا ایلم ءِ اول ہارٹیکلچر ٹاسک فورس انا چیئرمین کرے ولدا اونا کمپنی ءِ 5ٹھیکہ غیر کانودی وڑاٹ ترفے، دا غیر کانودی گام گیج نا ایف آئی اے ہم رپورٹ ءِ پیش کرینے، وزیراعظم عمران خان نا کنڈآن جوڑ بڑزکو کہولی جاست وپاستی کمیشن ءِ دستاویزی شاہدی فراوان کرینے، ویڈیو نا جاست و پاست ءِ عدلیہ کرفک۔
