اسلام آباد۔ 08 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ احتساب عدالت نا شرفمند آ جج انا بیان نابننگ آن پد ابو بچاؤ مہم فلاپ مسنے، وزیراعظم الس ءِ جوڑ کیک، قوم لٹ وپل کروک آتے دا انجام اسکان سرکرے۔ دوشنبے نادے آ تینا ٹویٹ اٹی وزیراعظم نا خصوصی کمکار ڈاکٹر فردوس عاشق اعوان پارے کہ الس تینا وونٹ انا طاقت اٹ لٹ وپل کروک آتے نظام آن ہی کشا، بیگم صفدر اعوان نا شیخ چلی کون آ تغ خننگ آ پابندی اف۔ ڈاکٹر فردوس عاشق اعوان پارے کہ منڈی بہاؤالدین اٹی جلسہ تو مننگ کتو، کارنر میٹنگ اٹ گزارہ کننگا۔ پٹواری، انتظامیہ و پولیس آ وس متو ہنداخاطران داسہ جلسہ آخا ورکرز کنونشن نا کوشست مننگ ءِ۔
