اسلام آباد۔ 08 جولائی (اے پی پی) اسپیکر قومی اسمبلی اسد قیصر پارینے کہ عبدالستار ایدھی ءِ بے سیبو و ڈکھیا انسانیت نا خذمت نا عملی ءُ دروشم اسے نا وڑاٹ مدام یات کننگک۔ انسانیت نا خذمت ءِ کروک آ مدام زندہ سلک، ایدھی صاحب تینے ڈکھیا انسانیت کن وقف کرسا اسہ مثال اس جوڑ کرے۔ داخیال آتا درشانی ءِ او دوشنبے نادے آ عبدالستار ایدھی نا مسٹ میکو کزیہ دے انا وخت آ اونا ڈکھیا انسانیت نا خذمت کن زند ءِ وقف کننگ آ خراج عقیدت پیش کرسا کرے۔ اوپارے کہ انسانیت کن خذمت آتا سوب اونا شمار ننا قومی ہیروتیٹی مریک۔ انسانیت نا خذمت ننا دینی و اخلاقی فرض و اللہ تعالیٰ نا خوشنودی ءِ دوئی کننگ نا جوان ءُ ذریعہ سے۔ اسپیکر قومی اسمبلی پارے کہ ساڑی حکومت نیزگاری نا چٹفنگ، بے سیبو، راج اٹی اختہ مروک آ تپہ و خصوصی بندغ آتا راجی آسراتی کن وزارت انسداد نیزگاری نا جوڑ کننگ نا کمک اٹ احساس پروگرام تون اوار چندی پروگرام تا بناءِ کننگانے۔ اوپارے کہ مخیر خواجہ غاک وشرحالی تنظیمک عبدالستار ایدھی نا نقش قدم تیا چلینگسا محروم تپہ غاتا زند اٹی شونہالی اتنگ کن تینا بایدے پبی کڑد ءِ ادا کیر۔
