العزیزیہ کیس ءِ تہ منی سرا ہچ پریشر نیست ات،پیسلہ ءَ ھداوند ءَ را حاضر ناظر سرپد کت کانود ءُُ شاھدیانی بنیات ءَ کتگ ات،ارشد ملک جج احتساب عدالت نمبر II

اسلام آباد۔ 7 جولائی (اے پی پی) احتساب عدالت نمبر II ءِ جج ارشد ملکءَ پدر کتگ کہ العزیزیہ کیس ءِ تہ منی سرا ڈائریکٹ ءُُ انڈائریکٹ پریشر نیست ات،اے پیسلہ ھداوند ءَ را دیما سرپد کنان ءَ کانود ءُُ شاھدیانی بنیات ءَ کتگ ات، مریم صفدرءِ پریس کانفرنس منی پیسلہءَ را متنازعہ جوڈ کنگ ءُُ سیاسی پائدگ زورگ ءِ ھاترا کنگ بوتگ،ایشی ءِ تہ شنگ کتگیں ویڈیو،دروگیں،جعلی ءُُ مفروضی انت،ملوث مردمانی ھلاپ ءَ کانودی کارروائی کنگ بیت۔اے ھیالانی درشان آہاں یک شمبے ءَ احتساب آمیدگس اسلام آباد ءِ رجسٹرار ءِ وسیلگ ءَ جاڑی پریس ریلیز ءِ تہ کتگ انت۔آہاں گوشت کہ آں احتساب آمیدگس ءِ جج ءِ بستار ءَ فرضاں پیلو کنگ انت۔گوستگیں روچ ءَ مریم صفدر ءِ پریس کانفرنس ءُُ منی ءَ گوں بندوک ءِ ویڈیو آہاں دیستگ،پرچا کہ اے پریس کانفرنس ءِ وسیلگ ءَ منی سرا سکیں بہتام جنان ءَ منی ادارگ،منی جندءُُ منی ھاندان ءِ شرپ ءَ را تاوان دیگ ءِ پندل کنگ بوتگ اے ھوالہ چہ راستی ءَ دیما آرگ لوٹگاں۔آہاں گوشت کہ راولپنڈی ءِ تہ نشتگءُُ جج جوڈ بوھگ ءَ چہ پیسر ءَ وکالت ءِ پروفیشن ءَ گوں سیادی ات۔اے ویڈیو ءِ تہ پیدارتگیں ناصر بٹ ءِ سیادی ھم اے شہر ءَ گوں انت ءُُ ایشی ءَ گوں کوھنیں پجار انت۔آہاں پدرائی کت کہ شنگ کتگیں ویڈیو جعلی انت لہذا ایشی ءِ تہ ھوار مردمانی ھلاپ ءَ کانودی کارروائی کنگ بیت۔