لاہور۔6 جولائی(اے پی پی)مزن وزیر ءِ بیئپار ءِ صلاحکار عبدالرزاق داؤدءَ گوشت کہ چین دگنیا ءِ تہ 2.1 ٹریلین ءِ امپورٹ انت ایشی ءَ را آں پنچ ٹریلین ءَ تاں برگ لوٹگ انت۔ پاکستان ءَ را چائنہ ءِ امپورٹ چہ گیشاں گیش نپ چست لوٹ ایت۔ چین پاکستان چہ یک بلین ڈالر ءِ امپورٹ کنگ ءِ پدا گیش یک ارب ڈالر امپورٹ کن ایت،پاکستان ءَ چین ءِ دوسد ارب ڈالر ءِ ایکسپورٹ کنگ ءِ ٹارگٹ ایر کتگ۔ جاپان پاکستان ءَ را سمال اینڈ میڈیم انٹرپرائزءِ ھاترا ٹیکنالوجی فنڈز دیگ ءَ پہ ساجو انت۔مئے کار سرمایہ کاراں را آسراتی پھجارگی انت ہمہ مہ کنیں۔آں ھپتگ ءَ محکمہ صنعت ءُُ بیئپار ءُُ سرمایہ کاری ءِ جہلی ادارگ ءِ ھوالہ چہ یک برجمیں دیوان ءِ سروکی ءَ کنگ ات۔اے موہ ءِ سرا صوبائی وزیر ءِ صنعت ءُُ بیپار میاں اسلم اقبال،محکمہ صنعت ءُُ بیئپار ءِ دراھیں جہلی ادارگہانی افسران،سرمایہ کاری بورڈ، ٹیوٹا، لیسکوءِ ھوار دگہ ادارگہانی نماھندگ ھوار اتنت۔ایشی ءَ چہ پیسر ءَ مزن وزیر ءِ صلاحکار ءَ را محکمہ صنعت پنجاب ءِ جاڑی منصوبگانی سرا سرجمیں بریفنگ داتگ ءُُ ایشانی تہ دیم جیڈھانی ھوالہ چہ سرپد کتگ۔
