روڈ ٹو مکہ منصوبگ ءِ تہ ھوار بوھگ ءِ سرا سعودی فرمانروا ءُُ ولی عہد ءِ منت واراوں
اسلام آباد۔ 06جولائی (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ روڈ ٹو مکہ منصوبگ ءَ ھوار بوھگ ءِ سرا سعودی فرمانروا ءُُ ولی عہد ءِ منت وارانت،اے منصوبگ ءِ تہ پاکستان ءِ بھرزوری سعودی راھشونانی مزن وزیر عمران خان ءِ سرا اعتماد ءُُ پاکستان ءِ مہلوک ءَ گوں یکجہتی انت۔اے ھیالانی درشان آہاں ھپتگ ءَ وتی یک ٹویٹ ءِ تہ کتگ ات۔آہاں گوشت کہ حاجیءَ را آہانی حق واتر کنائینگ عمران خان ءِ سیاسی بصیرت ءِ ثبوت انت۔فی کس ھرچانی تہ کمی چہ عازمین حج ءِ ھاترا آسراتی پیدا بنت، ڈاکٹر فردوس عاشق اعوانءَ گوشت کہ احساس مراگش ءِ ردا حقداراں ءَ ابید پرک ءِ حق واتر کنگ مزن وزیر عمران خان ءِ محروم تبکءَ گوں مہر ءُُ محبت،احساس ءُُ مہلوک دوست پالیسی ءِ آئینہ دار انت۔
