عمران خان مچ آ ملک آن تعلق تخوک آ کم کٹیا کروک شاری تے چنکو کاروبار اسے کن بے سود وام تا چیک بشخ وپانٹ کرے
اسلام آباد۔ 05جولائی (اے پی پی) وزیراعظم عمران خان راج انا نیزگارو نزور تپہ غاتا معاشی شونہالی و اوفتے تینا نت تیا سلنگ کن 42.65ارب روپئی مالیت نا ”نیشنل پاورٹی گریجویشن انیشی ایٹو“ پروگرام نا بناءِ کرسا پارینے کہ محروم و نزور تپہ غاتا راجی آسراتی کن ریاست مدینہ نا تصور احساس نا پیروی ءِ کرسا ملک اٹی نیزگاری نا چٹفنگ کن ”احساس“ پروگرام نا بناءِ کرینے انتئے کہ احساس آن بیدس اسہ قوم اس ہم مہذب مننگ کپک، پوسکن آ پاکستان ہمو مریک ہرا خلقت ءِ نیزگاری آن کشک، مستین نا حکمرانک غریب آتا احساس ءِ کتوس۔ الس نا پیسہ غاتے اٹ پیشن نا دورہ غاتے کریر، قوم وامدار مرسا کرے و اوفتا میرات آک زیات مرسا کریر، بے پن میرات آتیان دوئی مروک آ پیسہ غاتے نیزگار تپہ نا شرحالی کن خڑچ کننگک۔ اوداہیت ءِ جمعہ نادے آ قومی کہول آ نیزگاری ٹی کمتی اتنگ نا پروگرام ”نیشنل پاورٹی گریجویشن اقدام“ نا بنائی دود آن تران کرسا پارے۔ داوخت آ وزیراعظم عمران خان مچ آ ملک انا چندی علاقہ غاتیان تعلق تخوک آ کم کٹیا کروک شاری تے چنکا کاروبار کننگ کن بے سود وام تا چیک بشخ وپانٹ کرے۔ داوخت آ بے سود وام ہلوک آ زالبول نا بابت ویڈیو فلم اس ہم نشان تننگا ہرافک دا پروگرام آن دوئی مروک آ فائدہ غاتا بارواٹ پاریر۔ دا گام گیج نا بنا391 چیک بشخ وپانٹ کننگ نا دود آن مست وخت اس کہ 3ارب 2کروڑ روپئی مالیت نا 86ہزار 151سود آن پاک وام مچ آ ملک اٹی بشخ وپانٹ کننگا۔ ”نیشنل پاور ٹی گریجویشن انیشی ایٹو“ نا جامع ملک گیر پروگرام اسہ وخت اٹی 100 آن زیات ضلع غاتے ٹی درستی راستی کرفنگ انگ ءِ۔ دا پروگرام سود آن پاک وام، کسبی و فنی تربیت و میرات آتا منتقلی نا سوب الس ءِ گچین آسراتی فراوان کیک۔
